Құрметті әйелдер қауымы!

Жылы – шырайлы көктемнің алғашқы  күндерімен қатар келіп,  барша азаматтың көңілін жадыратқан  8 Наурыз – Халықаралық әйелдер күнімен шын жүректен құттықтаймыз.

Тәуелсіз Ұлы Дала жеріндегі бірлігі жарасқан көпұлтты еліміздің әлем таныған алдыңғы қатарлы 50 мемлекеттің қатарына  кіріп, одан әрі абыроймен  дамуына асыл аналарымыз, ардақты жеңгелеріміз бен әпке-апаларымыздың өлшеусіз үлес қосқандығы ақиқат. Отбасының күнбе-күнгі шаруасын, бала тәрбиесін және қоғамдық жұмыстарды қоса атқара жүріп әйел қауымы біздің қоғамдағы тұрақтылық пен ел бірлігін сақтау мәселесінде шешуші рөл атқарып келеді. Қоғамымызда әйел – тек отбасының береке-бірлігін ойлайтын тұлға ғана емес, ол мемлекеттің өмірге және саяси мәселелерге белсене араласатын қоғам мүшесі. Сондықтан елімізде, оның ішінде біздің ауданымызда әйел адамның әлеуметтік қорғалуына, олардың өмір сүру деңгейін арттыруға айрықша маңыз беріледі.

Сүйікті біздің әжелер, ардақты аналар, қыз-келіншектер баршаңызға мереке құтты болсын! Әрбір шаңыраққа шаттық пен бақыт, отбасының амандығын, еліміздің өсіп-өркендей беруін тілейміз. Өмірдегі әйел жаққан шырақ сөнбесін!

Пікірлер (0)
Құрметті жерлестер!

Алғыс айту күні қарсаңында бүгінгі мүмкіндікті пайдаланып баршаңызға алғыс айтамын! Ұлттық және жерлестік ерекшелікке қарамастан Сіздер өңіріміздін жарқын болашағы жолында еңбек етіп жүрсіздер. Ауданымызда 20-дан астам ұлт өкілі тұрады. Оның ішінде 28 мың қазақ, 10 000 орыс, 334 неміс, 192 татар, 124 украин, 84 шешен, 70 өзбек және тағы басқа ұлт өкілі бар. Біздің тарихымыз бен тағдырымыз бір. Тағдыр  тәлкегімен елімізге қоныс аударған өзге ұлт өкілдері де алып шаңырақ астынан тұрақ тауып, бейбіт те берекелі тіршілік кешіп келеді.  Аласапыран кезеңде айқара құшақ ашып, төрінен орын берген қазақ жұртына олардың құрметі бөлек. Сондықтан Алғыс айту күнінің басты мәні – тарихи жадыны сақтау, ұрпақтар сабақтастығы мен іргесі берік негіздегі ел бірлігін нығайту болып табылады.

 Бүгінде еліміз  құтты  қоныс,  қасиетті  мекен  болған достықтың  шаңырағына  айналды. Құндылықтардың қадіріне жете алған елдің ғана келешегі кемел. Сондықтан, айтулы күні бірлігімізді бекемдеп, шынайы ықыласымыз арқылы сыйластығымызды одан әрі нығайтуымыз қажет. Бұл тұрғыда тамыры терең, тарихы кенен Ұлан өңірінің тұрғындары – өзгелерге өнеге болуы тиіс.

Тәуелсіз Қазақстан ортақ отанымыз, «Мәңгілік ел» ұлттық мұратымыз. Осы ұлы мұрат жолында ауданымызға тән ынтымақ пен береке басымыздан ұшпасын. Еліміз аман, жұртымыз тыныш болсын! Баршамыздың ортақ үйіміз – Қазақстан жерінде шаңырақтарыңыз шаттыққа толып, ізгілікті істеріңіз толағай табыс пен ырысқа толғай. Мереке құтты болсын, ағайын!

Пікірлер (0)
Құрметті ұландар! Сіздерді Жаңа 2020 жылмен құттықтаймын!

Жаңа жыл Сіздерге өмірде жаңа және жағымды сәттерді әкелсін! Жаңа жылда сіздің барлық армандарыңыз орындалсын.
Жаңа жыл сіздер үшін табыс пен жеңіс, байлық пен молшылық, бақыт пен қуаныш, жағымды кездесулер мен қызықты саяхаттарға толы жыл болуына тілектеспін.
Сіздерге денсаулық, махаббат, тамаша көңіл-күй, отбасылық игілік және молшылық тілеймін!
Жаңа жылдарыңызбен!

Пікірлер (0)
Құрметті жерлестер! Қазақстан Республикасының мерекелер күнтізбесіндегі ерекше, ұлттық сипаттағы мәртебелі мейрам – Тәуелсіздік күні құтты болсын!

Бұл күн шынымен жалпыұлттық мереке. Өйткені, дәл осы күні ата-бабамыздың сан ғасырлық асыл арманы орындалды, ел егемендігі үшін құрбан болған боздақтардың сенімі ақталды, әлем картасында жарқын болашаққа нық қадам басқан «Қазақстан» деген ел пайда болды.
Егемендігіміздің бүгін міне 28 жылдық жылнамасын алтын әріптермен жазып, тарих қойнауына аттандырып отырмыз.
28 жыл деген адам өмірімен салыстырғанда жалындаған жастық шақ, саналы ғұмырдың басталған сәті. Ал тарих деген дарияның өлшемімен қарасақ 28 жыл деген қас-қағым сәт. Десек те, тәуелсіздік таңы атқан сол бір бақытты күннен бүгінгі күнге дейін біз көптеген жетістіктерге жеттік, тарихи оқиғаларға куә болдық. Қазақстан тұңғыш рет барлық көрші елдермен шекарасын заңдастырып, бекітті. Сарыарқаның төріне абыройы асқақтаған Астана қаласын салды. Күллі әлемді таң қалдырып, Азиада біріншілігін, ОБСЕ отырысын, ЭКСПО көрмесін өткізді. Әлемдік дәрежедегі алпауыт халықаралық ұйымдарға еніп қана қоймай, төрағалық етті. Әрине, бұл жетістіктердің барлығы Елбасымыз Нұрсұлтан Әбішұлы Назарбаевтың, бірлігі мен ынтымағы берік қазақстандықтардың ерен еңбегінің жемісі.
Тәуелсіздік күні құтты болсын! Ел іргесі аман, жұртымыз тыныш, болашағымыз баянды болғай!

Пікірлер (0)
Құрметті жерлестер! Сіздерді Қазақстан Республикасының Тұңғыш Президенті күнімен шын жүректен құттықтаймын!

Тәуелсіз еліміздің жарқын жетістіктері мен әлеуметтік-экономикалық және саяси дамуы, мемлекетіміздің әлемге бейбітсүйгіш ел, толерантты ұлт ретінде танылғаны Елбасы есімімен тікелей байланысты. Сондықтан бұл бүкіл қазақстандықтар үшін тарихи оқиға болып табылатын мерейлі мереке.
Айтулы күнде баршаңызға көтеріңкі көңіл күй, жарқын жетістіктер мен толағай табыстар тілеймін. Ел игілігі жолындағы еңбектеріңіз жемісті, әр бастамаларыңызға сәттілік серік болсын!

Пікірлер (0)